Ministria e Shëndetësisë dhe Mbrojtjes Sociale njoftoi sot se në 24 orët e fundit janë kryer 321 testime për COVID-19, nga të cilat kanë kanë rezultuar pozitivë 89 qytetarë, nuk ka pasur asnjë humbje jete dhe 179 të shëruar.

Në informacionin për situatën në 24 orët e fundit, MSHMS bën të ditur se janë kryer 321 testime, nga të cilat kanë rezultuar pozitivë me COVID-19, 89 qytetarë, në këto bashki: 30 në Tiranë, 10 në Kurbin, nga 9 qytetarë në Kavajë, Lushnjë, 8 në Pogradec, 5 në Dibër, 3 në Delvinë, nga 2 qytetarë në Pukë, Mallakastër, Vlorë, Berat, Bulqizë, Gramsh, nga 1 qytetar në Shkodër, Sarandë, Përmet.

“Janë 3,331 qytetarë aktivë me COVID-19 në të gjithë vendin. Aktualisht në spitalin COVID 3 po marrin trajtim 27 pacientë. Në 24 orët e fundit nuk ka asnjë humbje jete me Sars-Cov-2”, informon Ministria.

“Janë shëruar 179 qytetarë gjatë 24 orëve të fundit, duke e çuar numrin e të shëruarve në 314,991 që nga fillimi i epidemisë”, thuhet në njoftim.

Nisur nga rritja e numrit të qytetarëve të prekur nga COVID-19, Ministria e Shëndetësisë i bën sërish thirrje qytetarëve të mos neglizhojnë vaksinimin anti-COVID, posaçërisht në këtë periudhë të rritjes së kontakteve, për shkak të lëvizjeve përgjatë sezonit veror.

Statistika (15 gusht 2022)

Raste të reja ditore                   89

Të shëruar në 24 orë               179

Të shtruar në spitale                 27

Humbje jete në 24 orë               0

Testime ditore                        321

Testime totale                1,942,526

Raste pozitive                  321,893

Raste të shëruara              314,991

Raste aktive                        3,331

Humbje jete                         3,571

Shpërndarja gjeografike e rasteve aktive sipas qarqeve:

Tiranë                       1,271

Fier                            512

Durrës                        310

Vlorë                          301

Gjirokastër                 186

Berat                         152

Korçë                        137

Lezhë                        132

Shkodër                     132

Elbasan                     124

Dibër                          47

Kukës                         27