“Rrjeti 4G “ultra-kompact, efikas në energji dhe rezistent ndaj kushteve hapësinore, i cili do të jetë rrjeti i parë qelizor në Hënë, do të vendoset në sipërfaqen e Hënës deri në fund të vitit 2022, përmes anijes zbarkuese të hënës në të cilën po punon kompania amerikane Intuitive Machines, theksoi Nokia në një njoftim për shtyp.
NASA konfirmoi se do të ishte rrjeti i parë celular në Hënë, ku hapat e fundit të njeriut datojnë që nga viti 1972.
Rrjeti, që duhet të vetëkonfigurohet gjatë vendosjes në Hënë, duhet të mundësojë sigurimin e lidhjeve pa tel të çdo aktiviteti që astronautët do të kryejnë, duke mundësuar shkëmbimin e komunikimit me zë dhe me video, telemetri dhe shkëmbim të të dhënave biometrike, vendosjen dhe funksionimin e robotëve”, shtoi grupi finlandez.
Kontrata me një vlerë prej 14,1 milionë dollarë u fitua nga filiali amerikan Nokia në kuadër të një sërë kontratash të zbuluara nga NASA.
“Sistemi do të mundësojë komunikimin në sipërfaqen e Hënës në distanca më të mëdha, me shpejtësi më të madhe dhe më të besueshme se standardet aktuale”, theksoi agjencia hapësinore në deklaratën e saj.
Dy astronautë amerikanë, përfshirë një grua, do të ecin në Hënë në 2024 gjatë misionit Artemis 3 dhe NASA dëshiron të krijojë një bazë të përhershme atje, një parathënie për një mision të mundshëm në Mars./ /ec/
