Qytetarët “harrojnë” Covidin, nuk respektohen masat mbroijtëse Koronavirusi po njeh rritje shqetesuese te rasteve ne te gjithe Shqiperine, ndersa nuk po ndalet zinxhiri i infektimeve dhe të shtruarve në spitale. Sipas ekspertëve, ky trend rritës po vjen vetëm nga fakti se qytetarët nuk po tregohen vigjilentë dhe nuk po zbatojnë protokollin e shëndetësisë anti Covid. Një gjë të tillë e theksojnë edhe qytetarët e Elbasanit, të cilët pohojnë për Tv Skampa se distancimi, maskat dhe dorezat po përdoren vetëm në disa institucione. Mosndërgjegjësimi i të gjithë populates, sipas tyre, solli rikthimin e Covid-19 në Elbasan. Aktualisht në Qarkun e Elbasan janë aktivë 6 raste, katër i përkasin bashkisë së Elbasanit dhe dy bashkisë së Belshit. Në Elbasan, përpos dy pacientëve të konfirmuar më herët, gjatë 24 orëve të fundit kanë rezultuar pozitivë edhe dy të tjerë, një 65 dhe një 26 vjeçar, por që ende nuk dihet për historikun e tyre se nga mund të jenë infektuar.
