ATSH-AFP/ – Kievi dhe Berlini përshëndetën sot respektimin që prej një muaji të një armëpushimi me separatistët prorusë në lindje të Ukrainës, një rekord që mund të rrisë përpjekjet për një zgjidhje politike të konfliktit.

“Ky armëpushim hyri në fuqi më 27 korrik. Që prej asaj kohe, asnjë ushtar ukrainas  nuk është vrarë dhe as plagosur në luftime”, deklaroi sot presidenti ukrainas, Volodymyr Zelensky.

“Armëpushimi është respektuar për periudhën më të gjatë që prej vitit 2014, datë e fillimit të këtij konflikti të armatosur”, theksoi kreu i diplomacisë gjermane, Heiko Maas në një konferencë shtypi në Kiev duke përshëndetur progreset e konsiderueshme.

“Kjo situatë ka krijuar një sfond pozitiv për të vazhduar drejt fundit total të agresionit rus në Ukrainë”, theksoi homologu ukrainas, Dmytro Kouleba.

Lufta në lindje të Ukrainës ka shkaktuar në gjashtë vjet më shumë se 13 000 të vdekur dhe rreth 1,5 milionë të zhvendosur në këtë vend me 40 milionë banorë./ /ec/

ARTIKUJ TË NGJASHËMMË SHUMË NGA AUTORI