Ministri i Jashtëm grek, Nikos Dendias ditën e sotme do të zhvillojë një vizitë zyrtare në Tiranë.

Ministri grek mbërrin në Tiranë rreth orën 11:00. Mësohet se Dendias takimin e parë do ta zhvillojë me homologun e tij, me ministrin e Jashtëm në Detyrë, Gent Cakaj.

Ai më pas do të takohet me kryeministrin Edi Rama, ndërsa rreth orës 12:45 do të mbajnë një konferencë për shtyp.

Më pas do të zhvillojë takim me presidentin Ilir Meta në orën 14:45 dhe me kreun e PD-së Lulzim Basha rreth orës 16:00.

Takimi zhvillohet në kontekstin e diskutimeve që kanë filluar tashmë, për Zonën Ekonomike Ekskluzive në detin Jon dhe për kufirin detar.