Një tjetër viktimë është shënuar në radhët e bluzave të bardha. Ka humbur jetën për shkak të koronavirusit mjekja endokrinologe Valentina Lile në Tiranë.
Mjekja ishte prekur nga Covid-19 prej disa kohësh, por gjendja e saj shëndetësore është përkeqësuar së fundmi, duke humbur kështu jetën.
Pesë ditë më parë “Shoqata e Fëmijëve dhe të Rinjve me Diabet” bëri thirrje për gjak. Pasi mjekja kishte nevojë për gjak nga një person që kishte kaluar Covid-19.
Lajmin e hidhur sot e ka bërë me dije djali i mjekes me anë të një postimi në rrjetet sociale.
“Të dashur miq ë shokë . Me hidhërim të thellë njoftoj ndarjen e parakohshme nga jeta të njeriut tim me të afërt e më të dashur, mamasë time Valentina Lile .
Ceremonia e lamtumirës në nderim të saj dhe përcjellja për në banesën e fundit do të zhvillohen më datë 20.03.2021, ora 15.00. Nisja bëhet nga Funerali Alba2000 për në Varrezat “Sharrë” U prehsh në paqe nënë do na mungosh jashtë mase,” shkruan djali i së ndjerës.