Një zjarr ka shkaktuar dëme të konsiderueshme në një hambar në fshatin Bujqës të Elbasanit. Siç duket edhe nga video hambari është shkrumbuar plotësisht, ndërsa është djegur edhe një mjet bujqësor.
Zjarri ka shkaktuar dëme edhe te pronari i hambarit, që është djegur lehtë në fytyrë, por fatmirësisht pa rrezik për jetën. Ai aktualisht ndodhet në spitalin e Elbasanit.
Ende nuk dihet shkaku i zjarrit, por në vendngjarje ndodhen shërbimet zjarrfikëse, të cilat kanë bërë të mundur fikjen e zjarrit.
