“Aktualisht nuk jam mirë psikologjikisht, do jap sqarime në një fazë tjetër të hetimit”.
Kjo ka qenë fjala e vetme e sanitares së “Shefqet Ndroqi”, Tire Alldervishi para oficerëve të policisë.
Bëhet me dije se 58-vjeçarja nuk ka qenë në gjendje të mbrojë veten para oficerit, i cili në prani të avokatit të saj, Enea Cenko, i ka komunikuar Tires akuzën e “Mashtrimit të kryer më shumë se një herë”.
Ora news raportin se 58-vjeçarja nuk ka pranuar të flasë duke thënë se nuk është mirë psikologjikisht dhe se do të dëshmojë në një fazë tjetër të hetimit.
Ditën e sotme pritet që Tire Alldervishi të dalë para gjykatës dhe të njihet me masën. Kjo e fundit akuzohet për mashtrim pasi i mori mbi 8 milionë lekë vajzës së një ish-paciente në këtë spital, duke u hequr si infermiere, ku i kishte premtuar kësaj të fundit se do i shpëtonte nënën e sëmurë nga “COVID-19”, e cila nuk mundi të fitonte betejën me sëmundjen.
