LONDËR, 29 qershor /ATSH-DPA/ – Kryeministri britanik Boris Johnson njoftoi planet e qeverisë për të shpenzuar 1,24 miliardë dollarë për ndërtimin e shkollave për të rritur ekonominë britanike në pritje të një përplasjeje postkoronavirus.
“Ky aktivitet i përshpejtuar do të mbështesë më tej planet e gjera të qeverisë për të mbrojtur vendet e punës dhe të ardhurat dhe për të promovuar rimëkëmbjen ekonomike të vendit nga pandemia”, theksoi Johnson.
Ai tha se shpenzimi i 50 projekteve gjatë dy viteve të ardhshme do të fillojë një program 10-vjeçar “transformues” për të përmirësuar ndërtesat e shkollave.
“Ndërsa shërohemi nga pandemia, është e rëndësishme të hedhim bazat për një vend ku të gjithë kanë mundësinë për të pasur sukses, me gjeneratat tona të reja në qendër të këtij misioni”, tha Johnson.
Në një intervistë me ”Times Radio” Johnson theksoi se priste “kohë të vështira” për ekonominë britanike.
“Ne kemi parë një rënie të madhe të PBB-së tonë, por Britania e Madhe është një ekonomi tepër dinamike dhe elastike dhe do ta bëjmë atë sërish të fortë”, theksoi ai.
ATSH
