ATSH-DPA/ – Në vend të bllokadave të lokalizuara, Izraeli do të vendosë një shtetrrethim në 40 zonat “e kuqe”, ku koronavirusi i ri po përhapet me shpejtësi, pasi numri i infeksioneve ditore dhe vdekjeve në vend arriti një rekord të ri.
Prej të hënës, banorët e zonave “të kuqe” nuk do të jenë në gjendje të lënë shtëpitë e tyre nga ora 19:00 (16:00 GMT) deri në 05:00, sipas një deklarate të qeverisë.
Takimet e më shumë se 10 personave në hapësira të mbyllura dhe të më shumë se 20 personave në hapësira të hapura do të ndalohen dhe shkollat do të mbyllen.
“E di që këto kufizime nuk janë të lehta, por në situatën aktuale nuk kemi zgjidhje tjetër”, theksoi kryeministri Benjamin Netanyahu.
Shumica e lokaliteteve “të kuqe” janë qytete a lagjet arabe dhe ato ultraortodokse.
Izraeli ka regjistruar deri tani 130 000 raste me Covid-19 dhe 1 012 të vdekur./ /os/
