Elbasani në basketboll për meshkuj nuk njeh rivalë, duke mposhtur në një ndeshje direkte edhe skuadrën e Partizanit. Verdheblutë fituan thellë ndaj të kuqve në kryeqytet në shifrat 113-78.
Me këtë fitore elbasanasit blindojnë vendin e parë në klasifikim me 10 pikë të plota, ku në pesë takime kanë koleksionuar po kaq fitore.
Objektivi i verdhebluve këtë edicion është ngjitja në Superiore, aty ku mungojnë prej disa vitesh. Mbështetja që po i jep bashkia e Elbasanit sportit dhe lojërave me dorë po jep frytet e veta edhe në rezultate, teksa verdheblutë janë në rrugën e duhur për t’u shpallur kampionë.
Elbasaninews
