Në datat 8 dhe 9 mars 2025, Federata Shqiptare e Alpinizmit dhe Turizmit Malor (FSHALTM) organizoi një aktivitet kombëtar dy ditor në Shkodër dhe Bogë, duke bashkuar 170 sportistë nga qytete të ndryshme të Shqipërisë, përfshirë Shkodrën, Elbasanin, Tiranën, Vlorën, Pukën, Beratin, Përmetin, Korçën etj.Pjesëmarrësit u ndanë në tre grupe për shkak të numrit të madh dhe destinacioni i ngjitjes ishte te dy majat binjake të Thethit. Sipas Artur Gunit, President i FSHALTM, ngjitja u realizua me sukses, duke theksuar se qëllimi i aktivitetit nuk ishte vetëm aspekti sportiv, por edhe promovimi i turizmit malor në këtë zonë.Ky aktivitet kontribuoi në rritjen e vizibilitetit të turizmit malor shqiptar dhe inkurajoi zhvillimin e aktiviteteve sportive në natyrë, duke forcuar lidhjet mes komuniteteve lokale dhe promovuar vlerat kulturore të trevave shqiptare.
