BERLIN, 15 qershor /ATSH-DPA/- Kancelarja gjermane, Angela Merkel deklaroi në fjalimin e hapjes se konferencës së parë virtuale të Komitetit Hebre Amerikan, përkushtimin e qeverisë së saj për të luftuar ekstremizmin.
“Sistemi ynë shtetëror dhe bashkëjetesa jonë paqësore bazohet në vlera themelore,” theksoi Merkel.
“Antisemitizmi dhe racizmi, urrejtja dhe persekutimi, si në mediet sociale ashtu edhe në rrugë, janë të papajtueshëm me këto vlera. Ne, qeveria dhe shoqëria në tërësi, duhet t’i luftojmë ato me gjithë forcën dhe forcën tonë”, shtoi kancelarja.
Merkel, duke folur për sulmin e vitit të kaluar mbi një sinagogë në qytetin lindor të Halle-s shtoi se “sulme të tilla të neveritshme kanë për qëllim zemrën e demokracisë sonë.”
Një person i armatosur u përpoq të futej në sinagogën e mbushur me njerëz vitin e kaluar, në ”Yom Kippur”, ditën më të shenjtë në kalendarin hebre. Duke mos arritur të hynte, ai qëlloi dy persona dhe plagosi të tjerë, para se të arrestohej.
“Hebrenjtë duhet të ndjehen të sigurt dhe të lirë në Gjermani. Ata duhet të jenë në gjendje të jetojnë hapur besimin dhe kulturën e tyre”, tha Merkel.
“Përgjegjësia jonë gjithashtu do të thotë të qëndrojmë në mbështetje të sigurisë së Izraelit”, tha Merkel, duke theksuar se kjo është e panegociueshme.
ATSH
