ATSH-DPA/ – Kancelari gjerman Olaf Scholz do të udhëtojë në Spanjë për të biseduar kryesisht mbi menaxhimin e pandemisë dhe Ukrainën, në udhëtimin e tij të parë për këtë vit jashtë shtetit.

Scholz do të takohet me kryeministrin Pedro Sanchez për bisedime dhe drekë pune.

Tensionet e vazhdueshme midis Rusisë dhe Ukrainës do të jetë një tjetër çështje në rendin e ditës.

”Politikisht, të dy liderët janë relativisht afër ideologjikisht dhe vizita mund t’i ofrojë Sanchezit mundësi për aleanca të ardhshme”, sipas gazetës ”El Pais”.

Që nga marrja e detyrës, Scholz ka udhëtuar në Francë, Poloni dhe Itali, si dhe ka zhvilluar bisedime me krerë të Bashkimit Evropian dhe NATO-s.

Spanja, vendi i katërt më i madh në BE për nga popullsia, nuk është anëtare e grupit G7-s, por është pjesëmarrëse e përhershme e samiteve të G20-s.

Për sa i përket luftimit të pandemisë, Spanja ka një shkallë më të lartë vaksinimi se Gjermania, me të paktën 85% e spanjollëve që kanë të paktën një dozë, krahasuar me 75% të gjermanëve.

Ndërsa zyrtarët gjermanë tani po shqyrtojnë nëse do ta bëjnë të detyrueshëm vaksinimin, në Spanjë nuk ka një debat të tillë./    /os/

ARTIKUJ TË NGJASHËMMË SHUMË NGA AUTORI