Covid-19 i merr jetën biznesmenit elbasanlli Edi Kapedani. Mësohet se Kapedani prej 3 javësh ishte prekur nga virusi dhe po merrte mjekim në një nga spitalet Covid.
Ai është ndarë nga jeta në moshën 57 vjeçare.
Gjendja e biznesmenit ishte përkeqësuar gjatë ditëve të fundit dhe me gjithë përpjekjen e mjekëve nuk ia doli ta fitojë betejën me virusin. Edi Kapedani ishte biznesmen i njohur në Elbasan, në sektorin e ndërtimeve, më së shumti në atë të hidrocentraleve.
Që prej fillimit të pandemisë në vendin tonë, numri i qytetarëve që kanë humbur jetën zyrtarisht si pasojë e Covid 19 ka kapur shifrën e 1134 personave. Në 24 orët e fundit, sipas statistikave të MSH, janë kryer 2184 testime për Covid, nga të cilat 553 kanë dalë pozitive. 9 pacientë kanë humbur jetën.
