ATSH-AFP/ – Ditë e qetë për kryeministren finlandeze, Sanna Marin, e cila në mënyrë simbolike i ka lënë pushtetin një vajze 16-vjeçare në kuadër të fushatës promovuese për të drejtat e vajzave.

Në shkallët e Parlamentit pas një takimi në Ministrinë e Drejtësisë, adoleshentja Aava Murto deklaroi për gazetarët se po kalonte një “ditë emocionuese” gjatë së cilës mësoi gjëra të reja në lidhje me ligjin.

Pasdite, vajza me origjinë nga Vaasky, një qytet i vogël në Finlandën Jugore, duhej t’u drejtohej disa deputetëve, si dhe ministrit të Zhvillimit dhe Tregtisë së Jashtme.

”Vajzat duhet të kuptojnë më mirë se sa të rëndësishme janë”, theksoi ajo.

Gjatë takimeve të saj, nxënësja e shkollës së mesme, e cila po bën fushatë aktive për çështje klimatike dhe të drejtat e njeriut, gjithashtu synon të flasë për fuqinë inovative të të rinjve.

“Mendoj se të rinjtë mund t’i mësojnë të rriturit të jenë më inovativë dhe të mendojnë më shumë për të ardhmen”, deklaroi ajo.

A parashikon ajo të bëhet kryeministre?

”Nuk jam unë që vendos, por ndoshta, po!”, konfirmon ajo./  /ec/

ARTIKUJ TË NGJASHËMMË SHUMË NGA AUTORI