ATSH/ -Për vitin e dytë radhazi, Shqipëria është pjesë e “Javës Evropiane të Sportit” nën moton “Be Active”, ku synohet promovimi i vlerave të veprimtarisë fizike e sportive për një jetë sa më të shëndetshme
Ministrja e Arsimit, Sportit dhe Rinisë, Evis Kushi apeloi sot se të gjithë bashkë duhet të nxisim fëmijët e të rinjtë që të merren vazhdimisht me sport.
Ajo theksoi se, “deri më datë 30 shtator dhe në mbarë vendin, nxënësit e të rinjtë tanë, grupmosha e gjini të ndryshme, grupe me nevoja të veçanta, si dhe një sërë organizatash sportive po angazhohen në aktivitete sensibilizuese me fokus promovimin e vlerave të sportit dhe shmangies së jetës jo-aktive”.
“Të gjithë bashkë duhet të nxisim fëmijët e të rinjtë që të merren vazhdimisht me sport në mënyrë që të garantojnë një stil jetese më të mirë e më të shëndetshme”, tha Kushi.
