JAMATO, 26 qershor /ATSH-AA/ – Në qytetin Yamato në juglindje të Japonisë ndalohet përdorimi i celularit gjatë ecjes.

Këshilli i qytetit nëpërmjet një rregulloreje vendosi ndalimin e përdorimit të telefonit celular gjatë ecjes në qytetin Yamato, në rajonin Kanagawa, dhe gjobitjen në rast të kundërt.

Studimi publik, i kryer në dy pjesë të qytetit në muajin janar, zbuloi se 12% e këmbësorëve kishin përdorur telefonin gjatë ecjes.

Pas studimit u vendos miratimi i rregullores që u paraqit në këshillin e qytetit.

Sipas vendimit këmbësorët mund të përdorin telefonat e tyre në lokacione të tilla publike si parqet.

Procedura ndëshkimore për ata që nuk do të zbatojnë këtë vendim, hyn në fuqi më 1 korrik.

ATSH