ATSH/ Këshilli i Ministrave miratoi emërimin e Albert Nikollës si zëvëndësministër i Shëndetësisë dhe Mbrojtjes Sociale.
“Albert Nikolla emërohet zëvendësministër i Shëndetësisë dhe Mbrojtjes Sociale”, thuhet në vendimin e firmosur nga kryeministri Rama, i cili hyn në fuqi menjëherë.
Më herët, Nikolla ka qenë drejtor kombëtar i “Caritas Albania” ndërsa së fundmi mbante postin e këshilltarit të Kryeministrit për Çështjet Sociale.
Emërimi vjen në një periudhë kur vendi po përballet me pandeminë COVID-19.
z.tosku/j.p/
