Erion Veliaj shfaqet në Washington DC. Një vizitë thuajse “surprizë” për kryebashkiakun e Tiranës në Amerikë dhe këtë fakt e ka treguar ai vetë nëpërmjet një fotoje, po asnjë njoftim zyrtar për axhendën e tij.

Veliaj ka postuar në rrjetet sociale një foto me ish-ambasadorin e SHBA në Tiranë Aleksandër Arvizu për pesë vite me radhë, nga viti 2010 deri në 2015.

“Koha matet nga ditët, javët dhe mjekra” shkruan Veliaj që duket i buzëqeshur me ish-ambasadorin. Ndërkohë që thotë se është i lumtur që është takuar dhe ka ndarë një buzëqeshje me një “mik të vjetër” sic eshtë Arvizu, në Washington DC në ditën e parë pa maska në SHBA.

Por cfarë po bën kryebashkiaku në SHBA, vetëm 20 ditë pas përfundimit të zgjedhjeve të 25 prillit, që edhe njëherë tjetër, pati jo pak kontestime nga opozita. Në deklaratën e vet të parë SHBA e ka thënë qartë se do të punojë me qeverinë dhe parlamentin e ri dalë nga zgjedhjet e 25 prillit dhe kërkon nga opozita të njohë rezultatin e tyre.