115 vjet më parë në Elbasan në dhjetor 1909 u hap Shkolla “Normale”, shkolla e mesme e parë shqipe. Shkolla “Normale” është cilësuar si arritja më kulmore e Arsimit Shqiptar e cila u shndërrua në një Institucion arsimor, edukativ, studimor me përmasa kombëtare.
Normalja” e Elbasanit mbetet institucioni i parë i përgatitjes së mësuesve në mbarë hapësirën shqiptare e më gjerë. Në këtë 115 vjetor nuk kanë munguar aktivitetet për të nderuar kontributin e normalistëve. Diten e sotme në teatrin “Skampa” Elbasan, u mbajt një tjetër aktivitet i rëndesishëm me pjesmarrjen e ish normalistëve, Kryetarit të Bashkisë Elbasan, Gledian Llatja, drejoreshës së Zyres Vendore të Arsimit Elbasan, Vesa Liço, Prefektit të Qarkut Elbasan dhe drejtuesi, nxënës e mësues të shkollës që tashmë mban emrin “Luigj Gurakuqi.”
Teksa nderoi normalistët me me titujt “Qytetar Nderi”, kreu i bashkisë Z.Llatja vleresoi organizimin dhe theksoi se “Normalia e Elbasanit,ka qenë një institucion vizionar që përgatiti breza të tërë mësuesish, duke shërbyer si simbol i zhvillimit arsimor dhe shoqëror. Për këtë arsye do vazhdojmë t’a kujtojmë dhe nderojmë traditën e saj, që jeton në zemrën e Elbasanit dhe mbarë Shqipërisë.”-shton ndër të tjera kryebashkiaku Elbasanit.
Elbasani nuk do të ishte djep arsimi pa “Normalen” dhe kjo shkollë nuk do të ekzistonte pa elbasanasit e nderuar.
Shkolla “Normale” e Elbasanit nuk mund të kuptohet pa kontributin e drejtorit, Aleksandër Xhuvani, një figurë e nderuar e kulturës, gjuhësisë dhe arsimit shqiptar, Mësues i Popullit, emrin e të cilit sot e mban Universiteti i Elbasanit.
Elbasaninews.al Edlira Xherri
