ATSH-DPA/ – Katër ministra të Jashtëm arabë dhe europianë theksuan se një zgjidhje me dy shtete është zgjidhja e vetme për t’i dhënë fund konfliktit në Lindjen e Mesme dhe nxitën izraelitët dhe palestinezët të kthehen në tryezën e negociatave mbi atë bazë.
Ministrat e Jashtëm të Francës, Egjiptit dhe Jordanisë mbajtën një takim në Aman për të diskutuar konfliktin në Lindjen e Mesme.
Gjermani Heiko Maas iu bashkua në internet, pasi u detyrua të kalonte në karantinë një ditë më parë për shkak të vetkarantinimit nga koronavirusi.
”Nuk do të ketë paqe gjithëpërfshirëse dhe të qëndrueshme pa zgjidhjen e konfliktit në bazë të një zgjidhjeje me dy shtete”, tha diplomati i lartë i Jordanisë, Ayman al-Safadi, në një konferencë shtypi pas takimit.
“Nuk ka zgjidhje tjetër”, theksoi ministri i Jashtëm francez Jean-Yves Le Drian, duke përsëritur vërejtjet e al-Safadi.
”Palestinezët dhe izraelitët duhet të demonstrojnë angazhimin e tyre për dialog dhe ne jemi të gatshëm të mbështesim këtë proces”, shtoi Le Drian.
Të katër ministrat vlerësuan gjithashtu marrëveshjet e fundit që normalizojnë marrëdhëniet mes Izraelit dhe Emirateve të Bashkuara Arabe dhe Bahreinit. /os/
