ATSH/ Gati 13 mijë pacientë me sëmundje pulmonare obstruktive kronike (SPOK) përfitojnë rimbursim të medikamenteve të domosdoshme për trajtimin.
Fondi i Sigurimit të Detyrueshëm të Kujdesit Shëndetësor (FSDKSH) bëri të ditur se vlera e rimbursimit deri tani është rritur me 2 herë e gjysëm krahasuar me vitin 2013.
“12.945 pacientë të trajtuar me barna të rimbursueshëm nga 9559 që trajtoheshin në 2013. Vlera e rimbursimit deri tani llogaritet mbi 315 milionë lekë, ose 2.5 herë më shumë krahasuar me vitin 2013. Janë 15 alternativa barnash specifikë që përmban LBR për trajtimin e pacientëve me SPOK”, deklaroi FSDKSH.
Të dhënat u publikuan në kuadër të Ditës së Sëmundjeve Pulmonare Obstruktive Kronike./a.gjonaj/j.p/
